Pasang Sitemap......Kenapa kan?

Tadi, bakas ku mamasang sitemap.....supaya sanang kamu kan mencari apakah, mencari apakah, kalau mau, ada arah neodmarco.blogspot.com. Apalagi, klik, klik. TUNGGU! Sebelum kamu klik, dangar dulu ni. Luahan hati seorang budak perempuan remaja yg sakajap lagi (mungkin) akan datang bulan.....(Kantoi!) Orait, aku sama Zirah manunggu si Amal di kantin (kurang asam ko Mal, nampak kami masih jua lenggang2) sekali kami udah nda tahan, kami jalan dulu. Adatah dua budak laki2 darjah 6 ani, "Woi, Zirah kirim salam." Kirim salam? Urang dapan mata pon kirim salam? Andang ni budak dua ani. Diayamkan nya kami >=( Ku tempiling baru tau. Ada hati kan ngorat Zirah. Ok, kamu mungkin pikir napa si gadis ani selalu saja defend kawannya basar panjang atu? Well, sabab aku nda parnah di urat (Alhamdulillah) jadi kerajaku menerajang urang mengurat kawanku. Apa lagi kan di buat? Sudah nasib badan...diri nda lawa.......Alhamdulillah, asalkan cukup sifat, lagipun barigali kalau banyak urang mengacau atu......(muntah kajap)

Sitemap

Fesbuk, fesbuk

Ok, kan tadi mamaku pigi fb, sekali nyangku, "ma, jangan log out dulu, aku kan bemain kajap." "Mbah, siap udah homok (homework) mu lai?" *anggukangguk* "Jadual?" *anggukangguk* "Bah, mama kan check mail mama kajap, ganya cemana ni lai? Mama misti log out." Sekali nyangku, "Sanang, meh ku tunjukkan." Ku buka tab baru, sekali siok2 tah mama meliat mail nya atu. Sementara AKU? Antah, aku nda dapat buka  gmailku. Too many redirection lah, apa lah. Nampaknya anitah ganya dapat ku buat. I LOVE BLOGGING! *sanyum2 sambil meliat gambar  Lyra si anak saudara*

Pigi Pesta Buku (lagi)

Orait, kamu udah tau aku pigi pesta buku kemarin kan? Sarat udah tangan ku sama my mader mengangkat barang, kan, kan? Inda abis2 ku pigi pesta buku ani. Sama, A. Samad Said n Ain Maisarah ada hari ani! Ok, bagi yg inda rajin membaca novel mungkin nda kanal Ain Maisarah, tapi A SAMAD SAID?! Sastrawan negara tu! Such language, such poems, (tapi diri sendiri speaking) nada urang bulih lawan bahasanya. Ia mulai, zaman 60s-70s kah apa....Mamaku peminat setia kaliah...... A. Samad Said kalau bepuisi, bulih menangis urang mandangar. MANANGIS? Dashat. Aku bali buku Ain Maisarah dua buting, Impiana sama Impiana II. Nda dapat bali buku A. Samad Said pasal mamaku kan bali novel dewasa. Rindu di Awan Biru kah Awan Merah nya. Antam, bukan aku mambaca. In the end, inda dapat jumpa dua urang atu. Datang pukul 4. Betebiat banar.
Jangan marah eh.... 

Sori, Nda Sampat begambar

Ok, ada aku taip masa atu yg aku kan upload gambar kan? Nda dapat. Lagipun, tadi aku kan upload video tapi MAMAKU ani mengacau. Ih.......mama ani banar.........tau tau mobile ku habis ulehnya. Sori.

This Post is Specially Dedicated to Hanan Barizah

Sori Nan......=C 

One last Post Today

Brapa kali udah ku posting hari ani? Antah, ada mood bah. Ok, kan esok big day (bukan, aku inda bekawin, boipren pun balum ada) yatah, aku paning2 mamikirkan tudung ani. Pakai tudung apa ah? Pakai tudung apa ah? Allah, payah eh. Asalkan inda licin sudah. Kulit licin mauku, tapi tudung licin, sori! Lawa pun nda ku tepakai. (tah karang kalau lawa berabis dipakai jua tu, membazir amalan syaitan) Paning.....paning. Bah, esok adatah ku mengupload gambar karang, lapas aku decide tudung pakai apa. Huh!

Bahulu, bahulu, kaulah Bintang Hatiku (sama ending pasal sekulah)

Eh, kamu taukah aku suka bahulu? Aku bukan sekadar suka, I  love need bahulu. Aku paling suka bahulu AHM. Tau kamu? NYAMAN!!!!!!!!!!!!! Segalanya sempurna. Huh, sama hari ani, mamaku bali DUA peket. Ooh ur so good mami! Oh, awu jua ah, kami kana suruh pakai baju biasa/kurung di sekulah pagi esok. Dui, baik pulang aku nyaman2 tidor di rumah. Tapi, demi buku kedatangan perfect, aku akan datang jua (walaupun tanpa rela hati T         T) Aku kan pakai baju kurung raya 2 tahun lapas (awu, masih muat) yg warna.........apa ni, multicolour kah apa. Aku membawa mobile ku jua jadi rasa nya aku buleh upload gambar kali. 

Hehe tukar font

Sanak ku font ku dulu ah, jadi ku tukar. Kan, kalau pakai template yg bukan di kuasakan oleh Blogger, nda dapat di ubah fontnya, background nya, apa2 nda buleh di ubah. Jadi aku pigi the cutest blog on the block, ku tukar font di sana, arah changing your font kah apa title nya tapi ada perkataan '(easy)'. Bukan yang ada cute fonts atu ah. Malas ku bagi link yg link blog secrets udah ku bagi. Pandai2 tah cari sendiri, ya ibu/bapak/nenek/kakek? Kalau kamu nda suka font yg dibagi, buleh tukar. Saiz nya pun buleh di tukar. Aku, ku tukar 'Papyrus' kapada 'Verdana' sama '15px' ke '16px'. So simple bebeh! Ganya the cutest blog dapat credit. Thnx arah the cutest blog pasal ada tutorial ani! (tehutang budi berabis) Panjang URL durang ani cubatah pendekkan sikit payah ku menulis@ menaip. (Tutorialnya sudah di sediakan si sana.) ps: font yg kemas maningkatkan pageview tauuuu................. =)

Sambungan Untuk Sambungan Fish Donut

Huuh, huh, ngalih dah ku buat, namun sebagai blogger sejati, walaupun menaiki Gunung Everest sekalipun, aku akan tetap blogging! Eseh, feeling berabis, climbing Mount Everest konon, naik bukit ke rumah pun tecungap2.
Sori pasal intro merepek ku tadi, bah lets get serious. Skali aku membaca caita ku, Awang Buntal Seperti Kacang Lupakan Kulit dengan lancar kecuali satu bit.........."Nasi sudah menjadi bubur." Sentence simple pon payah2an. " N-n-n-nasi sudah menjadi bubur." Gigiran! Onstage pun gigiran. Aku selalu camatu. Onstage adatah stucknya, adatah gigirannya. Satu saja aku buat onstage without feeling nervous. Singing. But I had to give it up.  Baik pulang ku jadi doktor. That's my passion. Lagipun, bukannya kana bagi can nyanyi. Si Ambonk saja kana pilih. I;m always the one overshadowed. Urang nda expect labih dari aku. Belajar. Durang pikir aku nda pandai perkara lain. Bukannya cik punya suara lunak merdu bagai buluh perindu kana sembilu. Kahkah. Bah, branti feeling2. Hepy2 lagi. Berbalik arah skulah ugama. Si Zirah nda datang. Tadi ku talipon sakit parut. Tapi sekarang   baik udah. Alhamdulillah. Ganya satu kau rugi Zirah, Zirah. Hari ani banyak milo bajual! Milo yg dicari2 setiap hari, akhirnya ada jua. Aku, Mirah, Pizah @ Bebi sama Hanan samua mambali. Sempena hari yg jarang ada ani, aku mambalanja si Mirah. Nda dapat mambalanja yg lain pasal aku bwa B$1 saja.......Kira murah ati udah tu. Sekali, aku sama Mir round2 jap. Kan 6 kali kami round. (Sekulah damit, jadi nda ngalih langsung) Si Mirah round 3, abis udah milonya. Aku round 6 baru abis.....capat jua ko Mirah? Ok, kali ani aku nda mau sambung2. Let's move on. Round 6 kami kan pigi kelas, ada tah laki2 ani, siapa namanya? Nizzing kali. Atau fb nya tu? Ia pakai baju sport SMJA as in Sekolah Menengah Jamallul Alam. R U crazy? SUPAP Masna ni, bukan SMJA. Sekali kana tanya cigu disiplin, " Napa pakai baju SMJA ani?" di jawabnya, "Ani bukan sekolah agama." Ku pelempang ko sedas karang! Sasak ku.Terang lagi besuluh, sign dapan atu, Sekolah Ugama Pengiran Anak Puteri Masna. Antah eh, pakai kacamata kalau nda nampak. Sasak ku udah. Tapi aku penyeluru. Lapas kami sampai ke kelas, ada ku selurukan ia pakai suara laki2. "Ani bukan sekulah ugama ni." Huuh! Sasak!

Sambungan Entry Fish Donut

Ok, ani sambungan entry tadi, banyak banar yg terjdi pada hari ani, inda cukup masa. Allah! Bah, pasal si Jiddah lagi. Huuuuaaaa, knapa ia start menyaya aku?! Bisai jua kalau ia stay menyaya si Zirah. Cakap pasal menyaya Zirah, aku ingat, masa atu, kan kami ani di kelas waktu rehat (kononnya model student, teperaaap saja dalam kelas) Sekali si Jiddah mengatuk jendela kelas kami, dakat dangan Zirah. Tarus tekeluar, "Eh, Minnie Mouse!" Antah di mana ia dapat Minnie Mouse atu. Agaknya gigiran ani buleh antam2 saja. Allah. Lagi, masa atu, aku, Zirah and Mirah round2 sekulah. Si Zirah kana kajutkan lagi oleh si Jiddah. Dui, tekeluar, "Eh, ayam, Hazirah ayam!" Ya Rabbi, mengucap diri sendiri ayam? (aku sudah buat entry pasal ani kah balum? Lupa) Alasan, tais liur ayam. Tapi semuanya pindah arah aku! Huuh, nasib, nasib. Ok, new topic. Mulai mana ah? Pasal Wardah atau Milo? Mari Becaita (Bercerita) sja..... ok, macam yg ku tulis two posts ago, aku kana paksa ikut Mari Bercerita. Mengolah caita 5 minit. Karit! 5 sentences every pic lagi tu. Kami pakai pic, spontan no hapal-hapal. Which is GREAT. Aku banci memorising. Yatah kami sibuk2 practise, rupanya si Wardah adi angkatku pun ikut. YAAAAAY! (kenapa hurup basar ani?) Ia represent Pusar Ulak sama kawannya seorang lagi......lupa udah namanya, huuh. Bah, makin panjang dang. Tepaksa besambung lagi. 

Fish Donut......I love you!!!!!!!!!!!!!!!!!!!!!!!!!!!!!!!!!!! (sama sedikit intro dan ending pasal sekulah ugama)

Ok, tadi aku bakas sekulah ugama, rupa2nya mama mengambil. Selalunya aku jalan kaki like the rest of the group selain si Amirah. Bapanya mengambil. Dua kali aku dikanakan oleh si Jiddah (kaka si Mirah) yg Darjah 6 sekulah ugama. Huhuuuu, jahat ko Jiddah ah. Kan masa atu, aku cuba imitate suara laki2. Adatah TEkeluar sentence ani: " Ehm, Jiddah naik atas atap." Nampaknya imitation aku failed. =( Bukan sebab atu aku sedih, sebab si Amirah bagitau kakanya pasal Jiddah atas atap. Hasilnya, aku kana geletek sampai pengsan. = ' Keluarga penyaya banar. Amirah penyaya, Jiddah penyaya, Jarjit penyaya, Adik2nya penyaya (seorang adinya memukul aku di rusuk masa aku cakap ia kiut. Kesiannya aku (muka meraih simpati) =( ) dan, shockingly, bapanya penyaya. Ada Paci Mirhasan kajutkan aku sama Zirah waktu kami jalan kaki ke rumah. Iiiiiiihhhhhhhh Paci ani! Tekeluar, " Jiddah atas atap!" sama " Allahuma!" Allah! OK, fish donut. Siapa balum merasa, RUGI I TELL U RUGI!!!!!!!!!!!!!!! Nyaman! (Rasa macam ambassador kepsi tah pulang) Ok, kami kan pigi kepsi minum jap. Mamaku yang lawa ani tais liur kan fish donut ani. Aku, aku suka makan di luar kalau ada can. Contrast waktu ku damit, menyamal di suruh makan luar. "Nda mau! Nda mau! Alai mau makan di rumah!" Bapaku jawab, "Ani tanda2 anak kitani suka masak."  MASAK? Masak talur, lekor instant sama katam instan adalah. Paling2 menolong bapa masak nasi biryani. Ani pun baru pandai mengguring. Selalunya curi2 mengguring barang sabab takut mama tau. Nya, "Eksiden karang lai, takut mama eh." Mama tah pulang takut. Alhamdulillah, sepanjang karier ku mengguring ani, nada eksiden. Kira mulai waktu umur yg sesuai lah, waktu kitani lebih berhati2. Rasanya 11 atu sesuai kah? Ok, sabab enti ani udah panjang, nanti ku kisahkan pasal  Mari Bercerita sama yg lain2. Ingat, cuba fish donut, inda rugi yo!

KENAPA!!!!!!!!!!!!!!!!!!!!!!!!!!!!!!!!!!!!!!!!!!!!!!!

Macam title tadi, KENAPA!!!!!!!!!!!!! (lama sikit ni) kenapa aku bersatuju ikut pertandingan Mari Bercerita? Aku tau, last chance sebelum aku masuk high school (high school tah karang, Tahun 7.) Menambah sijil lah, apalah, habis panuh fail sijil ku olehnya. Tau ku ni, sebenarnya durang mau nama atau labih kasar, GILA nama. Sikit2 ada competition, aku sma Nurin dipaksa masuk. Macam inda buleh say 'NO' kononnya nda sopan. Apa yang inda sopan in saying NO? Iklan banyak, say NO to dadah (this is definitely NOT cool! Drugs, I repeat, are NOT cool.), say NO to dating (waktu sekulah) say NO to lalala......banyak! Paksa, paksa, paksa. Nda kan bagi urang rehat. 3 hari lapas kmi kana bagitau pasal Mari Bercerita ani, tup, tup! Durang bagitau, " Uh, anu, pertandingan hari Kamis tu." What?! ESOK?! Apalagi one rehearsal, that's all. Menyampah, nda kan bergarak, 3 hari sebelum competition baru suruh kitani masuk. Hampeh nya urang Malaysia. Geram kalah dinosaur ni.

Fuuuuh....

27 taun udah Brunei merdeka....Inda ku teliat arah tb tdi sabab ada hal yang perlu diuruskan.....(tah karang, tau tau tidur. Kantoi!) Whutever. Yang penting, berapa banyak kitani love our country kan? Bukan love romantik ah, patriotik. Banyak pengaruh urang putih udah masuk ke negara kitani. Ada, si Mirah bagitau aku, di Mall, ada bini2, nama saja pakai baju langan panjang, tapi pakai seluar pendek bungkuk nampak jubur punggung. Berigali. Napa inda pakai spindet saja, lagi menutup aurat. Yatah aku selalu rasa weird pigi ke Mall. Antah napa rasa macam alien pakai tudung, seluar panjang sama baju lengan panjang. Balum lagi bab laki2 di Mall ni. Gatal. Tamak banar kan 10 bini2 disapu jadi gf. Sikit2 nampak bini2, " Hey mau couple?" Ku pelempang, tampar tembak pakai machinegun ku pinjam dari Royal Brunei Armed Forces karang. (Mahal banar kan mambali sendiri, sebuting B$30,000.) Ani namanya budaya urang putih. Pakai baju seksi lah, menggatal nda tantu pasal lah, Allahuma! Anyway ma kasih sabab mambaca entry merangkap ceramah ani. Merdeka! (Eseh!)

Wajah Baru!

Kamu ada notice apa2 yg lain? Hah, hah, hah? Awu! Blog Miss Cendol ada wajah baru...atau pun template baru...hehe....bru jua hri ani menukar....kamu pikir camana usul nya? Kiut? Miut? Biut? Ops....biut (senget)  tah pulang......dalam pandanganku macam kiuuuuuttttt banar2, macam c Wardah. Huhu. Tapi aku rasa dulu punya font lagi kemas atau lawa. Sayang, inda dapat menukar. Kononnya "not applicable for this template." Cmana buleh not applicable. NOOOOO!!!!!!!!!! I luv you Verdana (font tah tuuuuu)!!!!!!!!!!!!!!!!! Syukur apa yang ada..... = C (tapi muka sedih, iihhhh...) Ok, topik baru. Esok ari kebangsaan Brunei. Yaaayy cuti! *salah cakap tah pulang (camana buat muka malu ani? Antam!)* Agaknya celebration day or night? Harap2 waktu malam sebab lagi colourful, kalau pagi pun okeh, panas balangkur tanda patriotic. Moga2 Allah pelihara Negara Brunei Darussalam pada taun2 yg akan datang.....Amin.....Lawa kali padangnya taun ani....

Ewwwww...............

Ok, kamu sudah tau tentang resolutionku utk TIDAK becouple, yg taruk banar sampai ku cakap siapa yg jatuh suka arah ku, ku tampar ia, nampaknya tepaksa ku kotakan janji atu. Bah, ada seorang budak dalam kelas kami, Danial yg ku sabut aku sama grop waktu Projek English, (klik sini) anu, yg aku ganya bini2 ah, well, kami ( aku sma Zakirah) tepaksa dduk sabalah ia waktu ICT (Kirah tangah2 aku sma Danial.) Kan adatah Kirah ani, ditaipnya (masa atu kmi belajar pasal Hyperlink atau nama glemer, link sma cara menggunakannya dalam powerpoint. Inda belajar Photoshop eh, aku beguna tu = ^^ mencebiklah tu. Style baru) ditaipnya " Does Danial love Nabilah Khan?" (Jahat ko Kirah ah......) satu pakai Hyperlink. Takan Yes, Wrong Answer slide ( Alhamdulillah), Takan No, Correct Answer slide. Ada lagi ditambahnya Danial ah, " Banar tu, gf ku c Bilah atu." PERASAN PUNYA  BUDAK! KU TAMPAR KO KARANG!!!!!!!!!!!!!!!!!!!!!!!!!!KAU LAGI TARUK DARI SYAZIM!!!!!!!! Karang ko Danial. Terima ko karang pembalasan dari ku. MUAHAHAHA! (Waduh, feeling sungguh ya ibu?) Diam ko.

Tutorial: Cara Buat Kek Cawan As In Cupcake lah

Ok, aku bukannya tau banr membuat cupcake..... Ani pon eksidental, dpat dri buku teks sekolah....(Kantoi!) Aku nda parnah cuba pun....Kawanku parnah, menjadi pulang. Ok, sebab buku teks aku Melayu stended, cara2 nya pun melayu stended, klau inda main antam punya bahasa brunei pun jdi.....

Hm, nah! (Marah tah karang tu)

Bahan2 nya ialah:

1/2 cawan mentega

3/4 cawan gula halus

2 biji telur

1 1/4 cawan tepung

1/2 sudu teh serbuk penaik

3 1/2 camca soda bikarbonat 

1/4 camca garam

1 camca vanila

1 cawan susu segar dicampur dengan 1 camca perahan limau (dibiarkan 1/2 jam)

Panaskan ketuhar ke 325 Fahrenheit.

Cara2 membuat kek cawan mentega:

Susun 20-25 cawan kertas dalam talam pembakar.

Ayak tepung dan serbuk penaik.

Pukul mentega dan gula sehingga kembang.

Masukkan telur sebiji demi sebiji.

Masukkan garam dan vanila.

Masukkan tepung berselang-seli dengan susu yang telah 'diperap' tadi diakhiri dengan masukkan tepung.

Bakar dalam ketuhar selama 20-25 minit.

Setelah kek sejuk, hiaskan mengikut kreativiti.

Siap! Huuuuhhh...tais liur pulang! Panjang eh resepi ani! Harap2 lain kali ku mbuat menjadi!

Pancit? Aduh Ma!

Salam. Mcm yg diatas, hri ani kmi trkandas arh post opis. Kmi d sna kununnya kn byr rod tek. Urang putih ckp, road tax. Bah, kmi (mamaku sma aku) mengisi burang arh pos opis, (aku bukannya mengisi burang pun sekadar guyang kaki) nda pedah punya urang post opis, tau kmi dtg, tup! Tutup pintu, tukar tanda jdi tutup. Perghh! Lgitah, deadline membyr rod tek kan abis, ani udah bulan Februari. Huuuuh! Naik atap banar! Satu lagi, balik arah tajuk asal. Bepaku bah, jalan pos opis ah! Antah siapa menyimpan paku. Sampai pancit kita (kereta) mamaku! Antah anak siapa. Anak setan kali. Yatah, sekali payah2 menelipun bpa, nda dapat! Mamaku punya kredit abis, aku masih bnyk. Kan $16.04 mangkali. Ganya problem nya ialah, aku tetinggal mobile d rumah! Lagipun nda buleh bwa mobile waktu mengaji. Tau2 mmbaca quran adatah c Hawa menelipun! Haih! Terpaksa minjam talipon Uncle Kipli. Huuuh, baik jua ia ada. Adatah mmanggil bpa, tarus pigi tampat mmbaiki tayar satu balik. Menunggu bapa yang paling lama. Tunggu punya tunggu, aku ambil keputusan jalan2. Adatah tempat ani, hijaaaaaaauuuuu sekali. Banyak tumbuh2an. Udara segar, daun berguguran ditiup bayu yg lembut, dui ma! Apa dalam ati yangku, " Lain kali nda payah hang out d Mall. Sini sja." Eseh! Banar tah tu! Mau kan durang? Hmm....
Walaupun tayar pancit, ani ganya dalam pikiranku. Lain jua. Well, the tyre's fixed, kmi ok udah, aku rasanya mcm kan tdur. Salam.

Cool Sudah

Anitah Dang Hawa kitani

Aku dan cousinku.....

.

Hehehe Hyatul menangkap c Izzat zaman darjah 5 dulu

OK, tdi kan aku marah2, sekarang aku ok udah, nda marah2 lgi, aku cerita pasal mood aku yg lain pada hri ani. Lah.... anu, ok, aku ada kwan nma Hawa, yg bini2 betudung putih arah profile pic aku ah (No, she is NOT single, c Amal single pulang, hehe). Kan, ia suka seorang laki2 ani, nmanya Luqman. Sejak 2008 lagi. ani 2011, jdi........3 tahun! And she's finally ready 2 tell him her feelings. Hai, budak zaman sekarang! Ia kan bgi tau ani, antaranya sebab Razan sudah pacah lubang sma it's time. Lagipun, 3 tahun, legging bnr. Ia sma sekolah (eseh, sekolah? Mana aku blajar Melayu stended ani?) pagi, ugama sma tuisyen. Takdir, takdir....eh,      rasanya  jodoh durang kuat kah nda? Liat dlu......... Ughhhhh....lapas mandangr segala keluhan pasangan kekasih hati ini (antah, Luqman langsung nda object dgn idea berkapel dgn Hawa ani, bak kta urg tua, jgn buka payung dalam rumah, eh! Bukan, diam artinya setuju. Slah tah pulang)..... OK, kan c Hawa ani kiuuuuutttt brabis ganya sayang seribu kali sayang duhai kasihku ia nda mau bertudung...... d sekulah misti betudung tpi klau berjalan nda semestinya......huh, bebuih mulut ku bedakwah, adalah alasannya, nda rock lah, balum baligh lah, nda apa2 lah, ada tah ia insap ni karang...... Salam sayang,  (Perasan.....boooooo!) Aik, boo diri sendiri? Lain ih aku ani..... Anyway, aku ada  bbrapa  pic c  Hawa ni..... Dan mungkin urang lain utk tujuan balas dendam.... alah, tesasul! =) Adatah gmbrku sma Suhayl......

Moods

Ok, hri ani aku banyak mood. Gembira, sedih, marah, garam ati dan lain2. Bah, ku cerita satu2, yg mbagi ku gembira hri ani ialah Wardah angkat aku sebagai kakanya. Wardah ani kiuuuuuuuuuuuuuuttttttttttttttt bnr2. Nda banyak urang kna anggap sebagai kakanya. Padahal ia muda bbrapa bulan sja.......hehe. Jdi kaka2 c Wardah ani ialah Kaka Mirah, Kaka Zirah dan Kaka Bilah (Aku lah tuuuu) Uuuuuhhhhhhh sooooo kiut. Bah, next topic, marah. OK, hri ani kan c Ambonk (Farah) sma Syazim practise, atau competition kah, choir. Budak nda sadar diri, nda ingat thun ani PSR. Mau enjoooooooyyyyyy sja menyanyyyyyiiiiiiiii sja, blajar hilang mnakn d cari. Menyanyi bukan selamanya, pacah suara mengemis (Nauzubillah) kalau nada pelajaran. Perasan diri Saripah Aini, oops, Sarifah Aini, Dato' CT dan orang pemes2 atu. Bukan pasal pelajaran durang yg ku marah ani, malas ku peduli, ur problem u take care lah. Nda payah kan penyibuk masuk campur. Ani, pasal problem durang pelajaran KU yg terganggu. OK, the point is, Ambonk sma Syazim pigi choir. Durang menunggu arah padang. Kmi pigi Science Lab, buat xperimen. Sekali, T. Jo, nya, ehem, ehem, " Aiyooo, where's Farah and Syazim?" Kmi jwb, " Choir!"
" What? Choir? Nabilah, go get them."
" Uhhhhh, yes teacher, huuuuhhuuuuu."
" U see, im not going 2 do dis xperimen again, so please call them."
" Yes, teacher."
How dehel cigu dpt mmbaca mindku smpai ia tau apa ku pikir ani? Psikik? Maybe. Huuuuh...............Bah, jdi, aku pigi panggil durang. Syazim sanang pulang, walaupun bad boy tpi hati baik. Masuk Science Lab. Ambonk, pyah skit. Kan brapa tahun aku pujuk rayu minta ia dtg ke Lab. Whut does she think I am? Servant? Maid? Orang naif utk d bodohi? Sorry dude, kalau sabar nda banyak pahalanya, ku pelempang ia sebuting! Ada lagi mengambil 15 minit mmbuat keputusan ke Lab kah nda. Aku, malas ku merayu, Berdiri sna bercekak pinggang mcm bussineswoman. Eseh! At last, ia ambil keputusan ke Lab. Uhhhh, selamat aku dri amarah T. Jo. T. Garth pun sma. Tau durang  PSR, d ambilnya jua masuk choir. Aku drjh 4 pon masuk choir tpi kna kick out pasal suaraku dri soprano ke mezzo-soprano kerana aku uzur. What's wrong with being mezzo-soprano? Saloma, bini P. Ramlee, pun mezzo-soprano. Ada hikmahnya. At least aku nda payah cuba utk berkawan dgn urang yg mmanggil orang lain babi. OK, sebab post aku sudah panjang memanjang aku blah dlu. Psl mood2 ku yg lain, ku tulis kemudian. Assalamualaikum dan Goodbye.

Maulidur Nabi Esok....

Sebelum apa2, mari kitani berselawat ke junjungan Nabi Muhammad sallallahu alaihi wassalam, Ok. Esok, kan Maulidur Rasul. Jadi, aku sma mama plan kan puasa (bukan puasa sunat, puasa qada, kami nda berapa rajin, hehe). Kalau aku, habis udah ku bayar puasa bulan Ramadan yg lepas. * lepas?* Mamaku....... yatah, pemalas bnr, aku bulan Syawal udah habis 5 hari mama terkedek2 makan kelupis. (ih, kelupis kah bahulu? lupa.... = P) Yg mamaku puasa sehari atu cuti yg lapas, buyuk ah, mamaku atu uzur 5 hari, aku, 7. The world isn't always fair, huh? (speaking lagi!) Bye 4 now..... bgi urang brunei d luar sna, jgn lupa (khusus utk lelaki, bini2 inda wajib) utk bjalan kaki sma sultan.

Why, why tell me WHY!

Entah apa mengundang nasib malangku hri ani. Project English, rupanya ada 2. Individual and group. Yg malang nya, aku kna group sma Danial, Syazim, Cheng Chow Yee or, Aing (air) cincau. Wutever. Ganya satu sja problem: durang ani semua pemalas! Mmbawa buku teks matematik pun nda mau, barat mengalahkan badak nya, ani kan mmbawa bahan2, mmbuat keraja, ini, itu, inun, huuuuuh! Sori dang! Lagi satu problem, aku ganya bini2 dlm group atu! Habis tah aku kna kacau ni. (suara menangis). Ada lagi, cigu English atu nya, " Nabilah, ur in the group ah? The only rose among the thorns." ROSE! Dude, cactus adalah. Berduri, bida berabis, tapi cantik bila bunganya mekar (ehem, perasan tah pulang = D ).

Naik Atas Atap?

( Keluhan) knapa tia aku ani? Gigiran (melatah), selalu sja naik atas atap. Bukan naik atap bnr2 ah, skadar bcakap ( atau lebih tepat, mnjerit) ' naik atas atap'. Sampai ada c Mirah menghampas meja c Zirah, perkataan yg kluar ialah...... Pannnnnngggg! " Aduh ma' ( eseh, ma') naik atas atap!" Apa, ku trais kuat2. C Zirah pun ikut2an gigiran. Bukan gigiran naik atap tapi , mcm " Aku ayam, Hazirah ayam!" Apa ni, ngucap diri sendiri ayam! Explanation, ia tais liur ( mengidam) ayam. Ayam goreng yg rangup, d masak dgn begitu cantik sekali, (esehmen, standard jua bhasa dang! oopss, angkat bakul) Hehehe..... no jeyles2 ok..... * hancur english ku!* Oh well, c Zirah ckp aku sesuai jdi ustazah. Dui, suara memekak kedengaran smpai England, klau laki2 mndgr aku cabut seribu kilometer dlm satu minit jdi ustazah? Ustazah sopan santun, dgn perkataan yg tersusun dan difikirkan terlebih dahulu, aku? Memekak menyanyi lagu lama di rumah, mliat drama ada saja komennya, mana kan berfikir sebelum bercakap, Ya Allah! Mun kan urang laki2 drjh 5 sma 6 takut bah mndgr suara ku ani. Ada saja kan di cakap. Kira perempuan 'poyo' tah ni...... Tapi masih lawa kan? (angkat bakul skali skala, hehe)

Lah.... Mirza bufday

Macam yg d atas, Mirza bufday hri ani. Lapas plajaran Alquran, tarus kmi baham kek atu. Awu, be kek. Nda cigu bgi lilin eh. Awu jua, bukan tradisi kitani. Oh well, kmi nyanyi hepy bday dlm bahasa Arab. Cigu Ghani ngajarkan. Ur sooo cool Cigu Ghani!

Dua Ekong Ani Apa?

Masa atu hari Selasa. aku sma kwn2 ku rilek masa atu. Kan waktu atu Pelajaran Tauhid. Jadi Cikgu Asri masuk.Kami kan belajar psl kerja2 para Rasul. Skali Cigu Asri mmbacakan Dalil Diutus Rasul. Salah satu kerja Rasul ialah mmberi khabar baik utk mereka yg beriman dan khabar buruk bgi yg menyekutukan-Nya. Cigu cakap, " Sesungguhnya para manusia dan jin dari zaman Nabi Adam hingga zaman moden berabis akan dikumpul di Padang Mahsyar " Sekali nya c Faiz, atau Zawawi, bertanya, " Cigu, jin ani ada Islam ada kapir ( kafir ) kan?" cigu cakap awu. Ganya jin ada kuasa. Skali Dang Wang Faiz atu nya, " Baik pulang jadi jin." Palui. Minta dijauhkan tu. Camana cigu nda mandangar, aku pun nda tau. Aku yg 50 batu dri ia pun kadangaran. Skali, mcm nda cukup bah, cigu mangajar, durang katawa, baibun. Mcam babun. Nya cigu, " Yang selalu mengacau urang belajar ani, syaitan. Yang dua ekong ani apa?" Skali Cigu Asri suruh ke dapan, di bagi pelempang sebuting      seorang!

Si Luqman ani banar.............

Anu, salam, ani sebenarnya berlaku klmarin. Kan, kami ani jalan2 waktu rehat. Aku, Mirah, Zirah dan c Pizah. Sebenarnya aku kan tulis ani sekaki dgn 'Boh Zirah........' tpi bpa kan pigi facebook. Balik arh topik. Si Pizah nya, " Wui, Bilah, tu c Luqman." skali ku jwb, "bakas lakimu atu?" skali aku pigi arh Zirah n Mirah yg jauh ke hadapan. Ku kadangaran durang ketawa. "Knapa? Knapa?" Lapas atu ku liat sebabnya. C Luqman sama Said main kuda mainan! Warna biru sma kuning. Nda main2. Serius merius ni. Kuda mainan atu sebanrnya untk urang darjah Pra, durangs pulang mmakai! Said atu, sudahtah ketua darjah. Berimalu banar! Tarus kmi berlalu, ketawa
berabis, rasanya sampai waktu smbayang kali kmi stop. Prangai mcm kanak2, bmain pun mcm kanak2!Aigoo! Banar kah inda durang ani! = D

Boh.... Zirah

Heeheeehee.... Petang ani kan, kmi arh skulah ugama, yatah, kmi ani bakas smbayg, jdi kmi balik arh klas. Satu, dlm prjalanan musafir * esehmen* ke kelas, adatah kmi jumpa c Laili. " Eh, kau Hazirah Yusoff, kan?" nya arh Zirah. "Awu," dibalas Zirah balik. " Tu, laki2 sna, d carinya kau." "Laki2 mana?" jawab c Zirah. " Tuuu....." Skali, aku nda sampat mliat usul laki2 ani, tapi kedengaran pulang suaranya. Garau. Eeeeewwwwwwww. Satu2 nya laki2 bersuara garau d dunia ialah Lee Syun Jun sama bapaku. Hmmmm. Penggatal bnr! Berani kau kacau Zirah ah! Tau jua kau ia ada 5000 friend udah arh facebook. Request 500. Sekali lagi kau kacau, sampai pnampar ani krg! Bah, adangtah mrh2.

Lah.......

Hm........ siapa d sni suka mliat cerita korea? Siapa suka, sila angkat tangan! Aik..... mna nampak, mun bukannya kliatan... = D iatah, drama korea feveret aku ialah..............Pasta! Siok kali ah citanya. Bru jua brapa episod, udah siok cmani. Lagitah, Head Chef sma Yoo-kyung slalu nmpak kiut sma2....... Walaupun pranan utama nya langsung INDA hensem / lawa, antah knapa wktu durang dating, tiba2 kliatan hensem / lawa. Chemistry atu kli bah. Well, love is a great beautifier. Cuba liat, wktu orang kawin, lawa kah inda, pengantin nya? Psl love lah. Syg, aku nda tliat pasta wktu episod 10 psl bapaku bday.... Keluar makan punya pasal, nda tliat.....( sedih bnr2 ni) Oh well, hpy b'day bapa! Sori nda mmblikan hadiah, budget! ( Lagipun progrem udah rusak.)

Ngalih eh!

Aduh ma! Ngalih eh hari kelmarin ah. Mana kan inda, mun bini2 ganya mmbersihkan kelas, laki2 siok2 meliat kolam. (Bagi kamu yang nda tau, kelmarin kami kempen kebersihan d skulah ugama.) Mana kan nda ngalih! Di sekolah ugama kmi atu kan ada satu pdang. Yatah, cigu jadikan pdang atu tempat pemilihan pemain futsal. Sekali, bukan main, ramai lelaki audition. Lapas atu, ani bhagian yg mggelikan, laki2 atu kana suruh bemain dlm 2 teams. Lapas atu, separuh dari teams atu bermain, separuh goyang kaki. Yg berigali bnr2, lbih dripada separuh buka kasut! Sudah tah padang atu berlumpur, buka kasut lagi! Kaki durang atu....... eeee! Kalah tayi kerabau! Sudahtah kelas kmi dekat dgn pdang, kan dua kali bola atu masyuk dlm kelas. DUA kali! Terhempap arah jendela lalu tarus masuk! Sikit lagi terkena Sakinah! Kesian kali ah, c Sakinah ah